Buyuk Britaniya milliy sog‘liqni saqlash qo‘mitasi Yevro -2020 paytida koronavirus bilan kasallanish statistikasini e’lon qildi.
Turnir davomida «Uembli» stadionida 8 ta o‘yin bo‘lib o‘tgan. Ma’lum qilinishicha, ushbu uchrashuvlarga 3036 kishi infeksiya bilan kelgan, yana 6376 kishi esa kasallikni o‘yin davomida yuqtirgan.
Eng ko‘p infeksiya Angliya Italiyaga yutqazgan finalda paydo bo‘lgan. Finalda koronavirus bilan kasallangan 2295 kishi ishtirok etdi. Uchrashuvdan ko‘p o‘tmay ular soni 3 404 kishiga yetgan.
Hammasi bo‘lib Yevro-2020 finaliga jami 67 ming kishi tashrif buyurgan.
