«Barselona» klubi futbolchilari Antuan Grizmann hamda Filipe Kautinyolarni maoshini qisqartirish bo‘yicha ish olib bormoqda. O‘tgan hafta klub prezidenti Xuan Laporta klub qarzlari 1 milliard funtdan oshib ketgani va moliyaviy qiyinchiliklar mavjudligini aytgan.
Xabarda keltirilishicha, Grizmann o‘z maoshi qisqartirilishiga qarshi emas va klubda qolishni istaydi. Braziliyalik bilan vaziyat murakkabroq. Uning klubda qolishi so‘roq ostida qolgan.
Kautinyo «Arsenal»ga o‘tishi kutilayotgan edi, ammo London klubi «Real»dan Edegorni xarid qildi. Avvalroq Jerar Pike va klubning boshqa bir nechta futbolchilari maoshlari qisqartirilgani haqida xabar qilingan edi.
