«Барселона» клуби футболчилари Антуан Гризманн ҳамда Филипе Каутиньоларни маошини қисқартириш бўйича иш олиб бормоқда. Ўтган ҳафта клуб президенти Хуан Лапорта клуб қарзлари 1 миллиард фунтдан ошиб кетгани ва молиявий қийинчиликлар мавжудлигини айтган.
Хабарда келтирилишича, Гризманн ўз маоши қисқартирилишига қарши эмас ва клубда қолишни истайди. Бразилиялик билан вазият мураккаброқ. Унинг клубда қолиши сўроқ остида қолган.
Каутиньо «Арсенал»га ўтиши кутилаётган эди, аммо Лондон клуби «Реал»дан Эдегорни харид қилди. Аввалроқ Жерар Пике ва клубнинг бошқа бир нечта футболчилари маошлари қисқартирилгани ҳақида хабар қилинган эди.
