«Arsenal» sardori Granit Jaka jamoa atrofida aylanayotgan tanqidiy fikrlar xususida to‘xtalib, bu futbolchilar kayfiyatiga jiddiy ta’sir ko‘rsatayotganini aytib o‘tdi: 

«Bunday vaziyatda birlasha olish muhim. Odamlar tinimsiz tanqidlar bilan futbolchilarimizning ruhini «o‘ldirishmoqda». Bunday vaziyatdan faqat birlashgan holatda chiqib ketishimiz mumkin. Bir jamoa sifatida biz kuchliroqmiz va natijalar ko‘rsata olamiz. 

Biz ham katta natijalarga erishishni xohlaymiz, albatta. Dastlabki ikki o‘yinimizdan so‘ng, ko‘pchilik jamoa haqida jiddiy tanqidiy gaplarni gapiryapti. Lekin mavsum 2-3ta o‘yin bilan yakunlanib qolmaydi. Oldimizda ko‘plar o‘yinlar turibdi. Bilaman, biz har taraflama rivojlanishimiz kerak. O‘ylaymanki, buning uddasidan chiqa olamiz», - dedi shveysariyalik futbolchi. 

Ma’lumot uchun, «to‘pchilar» keyingi turda «Manchester Siti» bilan kurash olib boradi.