Bugun, Qarshida OFK Kubogi Markaziy Osiyo mintaqasi final bahsi doirasida Qarshining «Nasaf» jamoasi Turkmanistonning «Axal» klubini qabul qildi. Qiziqarli va gollarga boy o‘tgan bellashuvda «Nasaf» raqibi ustidan 3:2 hisobida g‘alaba qozondi. Dastlab hisob 30 daqiqada ochildi. Qo‘shnilarimiz himoyasidagi pala-partishlikdan unumli foydalangan varshiliklar legioneri Marko Stanoyevich ochdi. Oradan 3 daqiqa o‘tgandan keyin, chiroyli hujum uyushtirgan «ajdarlar» hisobdagi farqni ikkitaga oshirdi. Gol muallifi — Andriya Kaluderovich. Birinchi taym so‘ngigacha har ikkala jamoa safida ham gol urish uchun imkoniyatlar bo‘ldi. Ammo, bo‘lim so‘ngigacha muxlislar gol ko‘rishmadi.
Ikkinchi taym teng kurashlar ostida boshlandi. Biroq, 67 va 74 daqiqalarga kelib, «Ahal» hisobni tenglashtirishga erishdi. Turkmanistonliklarning har ikki goli ham Elman Tagayev nomiga yozildi. Ushbu gollardan keyin yana faollikni oshirgan qarshiliklar chap qanot bo‘ylab hujum uyushtirdi. Oybek Bozorovning say-harakatlaridan keyin «ajdarlar» penalti tepish imkoniyatiga ega bo‘ldi. Jarima to‘pini Husayin Norchayev golga aylantirdi va jamoasini hisobda oldinga olib chiqdi. Mazkur hisob uchrashuv oxirigacha o‘zgarmadi va «Nasaf» Xplqaro maydondagi yurishini davom ettirdi.
“Nasaf” (O‘zbekiston) – “Ahal” (Turkmaniston) 3:2
Gol: Marko Stanoyevich 25, 1:0, Andriya Kaluderovich 32, 2:0, Elman Tagayev 60, 2:1, Elman Tagayev (pen), 69 2:2, Husayn Norchayev (pen) 77, 3:2
"Nasaf": 1.Umidjon Ergashev, 4.Husniddin Aliqulov, 8.Dilshod Saitov, 10.Bahrom Abdurahimov, 19.Husayin Norchayev, 22.Akmal Mozgovoy, 34.SHerzod Nasrullayev, 77.Oybek Bozorov, 88.Marko Stanoyevich, 92.Umar Eshmurodov, 99.Andriya Kaluderovich.
"Ahal": 1.Rasul Choriyev, 3.Gurbanguli Ashirov, 5.Abdi Bashimov, 7.Elman Tagayev, 9.Mirza Beknazarov, 10.Gurban Annayev, 14.Meylis Diniyev, 21.Resul Xojayev, 23.Xoshgeli Xojovov, 29.Serdar Geldiyev, 71.Ata Geldiyev.
