FIFAning futbolchilar maqomi bo‘yicha qo‘mita sudyasi Yoxan van Galen Andrey Kanchelskisning "Navbahor" ustidan kiritgan shikoyatini qanoatlantirish haqida qaror qabul qildi. Bu haqda "Futbolium" kanali xabar tarqatdi.
Manbaga ko‘ra, "lochinlar" rossiyalik mutaxassisga muddatidan avval shartnomani bekor qilgani uchun kompensasiya mablag‘larini to‘lab berish majburiyati yuklandi. Umumiy summa esa 1,6 million dollarga teng bo‘ldi. Bundan tashqari, vaqtida to‘lanmagan pullar uchun foizlar ham to‘lash haqida qaror chiqarildi. Qarorda aytilishicha, Kanchelskisning oylik maoshi 34500 AQSH dollariga teng bo‘lgan.
Ushbu qarorning ijrosi uchun "Navbahor"ga 30 kun vaqt berildi.
