ФИФАнинг футболчилар мақоми бўйича қўмита судьяси Йохан ван Гален Андрей Канчельскиснинг "Навбаҳор" устидан киритган шикоятини қаноатлантириш ҳақида қарор қабул қилди. Бу ҳақда "Футболиум" канали хабар тарқатди.
Манбага кўра, "лочинлар" россиялик мутахассисга муддатидан аввал шартномани бекор қилгани учун компенсация маблағларини тўлаб бериш мажбурияти юкланди. Умумий сумма эса 1,6 миллион долларга тенг бўлди. Бундан ташқари, вақтида тўланмаган пуллар учун фоизлар ҳам тўлаш ҳақида қарор чиқарилди. Қарорда айтилишича, Канчельскиснинг ойлик маоши 34500 АҚШ долларига тенг бўлган.
Ушбу қарорнинг ижроси учун "Навбаҳор"га 30 кун вақт берилди.
