Erkin agent bo‘lgan yarimhimoyachi Frank Riberi Italiya A Seriyasiga qaytishi mumkin. Avvalroq 38 yoshli fransuz futbolchisi "Verona" bilan shartnoma borasida kelishgani haqida xabar berilgandi. Ammo hozirgi ma’lumotlarga ko‘ra, muzokaralarning ortga surilishi futbolchining ortiqcha moliyaviy talablari bo‘lishi mumkin, deb xabar beradi insayder Nikolo Skira o‘zining tvitteridagi sahifasida.

Manbaga ko‘ra, Riberi 2022 yilgacha bo‘lgan shartnoma bo‘yicha "Verona"dan 1,8 million yevro maosh olmoqchi. Klub rahbariyati bu summani oshirib yuborilgan deb hisoblamoqda. Ammo, agar futbolchi moliyaviy talabini kamaytirsa, Italiya klubi hali ham Riberi bilan shartnoma imzolash fikridan voz kechmagan. Frank hozirda "Bavariya" klubi bilan mashg‘ulot o‘tkazmoqda. Myunxenliklar safidagi futbolchi sakkiz marta Germaniya chempioni, olti marta Germaniya kubogini qo‘lga kiritdi va Chempionlar ligasida g‘olib chiqdi.

Oxirgi ikki mavsumda Riberi "Fiorentina" sharafinii himoya qilgan. O‘tgan mavsum A Seriyada Frank 29 ta o‘yin o‘tkazdi va 2 ta gol va 6 ta golli uzatmani amalga oshirdi.
Mavsum tugagach, "Fiorentina" futbolchiga yangi shartnoma taklif qilmadi.

Avgust oyida Riberining "Bavariya"ga qaytishi mumkinligi haqida xabar berilgandi, ammo keyinchalik klub rahbariyati bu ma’lumotni rad etdi.