«Napoli»ning nigeriyalik futbolchisi «Yuventus»ga qarshi maydonga tusha oladi. Ya’ni, Osimxenning diskvalifikasiyasi qisqartirilgan.
Bu haqda Corriere dello Sport nashri xabar tarqatdi. Xabaringiz bor, A Seriya 1-turining «Venesiya»ga qarshi o‘yinida (2:0) futbolchi qizil kartochka oldi va shu bilan 2 o‘yinga diskvalifikasiya qilingandi.
Keyinchalik «Napoli» apellyasiya shikoyati bilan murojaat qildi. Neapolliklar futbolchining diskvalifikasiyasini 1 uchrashuvga qisqartirishga erishdi.
Shu tariqa 22 yoshli hujumchi «Yuventus»ga qarshi maydonga tusha oladi. Uchrashuv 11 sentyabr kuni bo‘lib o‘tadi.
