«Наполи»нинг нигериялик футболчиси «Ювентус»га қарши майдонга туша олади. Яъни, Осимхеннинг дисквалификацияси қисқартирилган.
Бу ҳақда Corriere dello Sport нашри хабар тарқатди. Хабарингиз бор, А Серия 1-турининг «Венеция»га қарши ўйинида (2:0) футболчи қизил карточка олди ва шу билан 2 ўйинга дисквалификация қилинганди.
Кейинчалик «Наполи» апелляция шикояти билан мурожаат қилди. Неаполликлар футболчининг дисквалификациясини 1 учрашувга қисқартиришга эришди.
Шу тариқа 22 ёшли ҳужумчи «Ювентус»га қарши майдонга туша олади. Учрашув 11 сентябр куни бўлиб ўтади.
