«Sassuolo» vingeri Dominiko Berardi yozda hozirgi jamoasini tark etish istagini bildirgan, ammo futbolchining rasmiy transferi amalga oshmadi.
Mish-mishlarga qaraganda, «Atalanta» Italiya terma jamoasi futbolchisini sotib olmoqchi bo‘lgan.
Ammo, jurnalist Daniyele Longoning so‘zlariga ko‘ra, endi Berardi uchun kurashga «Lester» va «Milan» ham qo‘shiladi.
Ikkala klub ham potensial transfer imkoniyatlarini o‘rganmoqda. Manbaga ko‘ra, «Sassuolo» o‘z yetakchisi uchun kamida 35 million yevro so‘ramoqda.
E’tiborlisi, A Seriyaning so‘nggi mavsumida italiyalik 30 ta o‘yin o‘tkazib, 17 ta gol va 8 ta golli uzatmani amalga oshirgan.