«Сассуоло» вингери Доминико Берарди ёзда ҳозирги жамоасини тарк этиш истагини билдирган, аммо футболчининг расмий трансфери амалга ошмади.

Миш-мишларга қараганда, «Аталанта» Италия терма жамоаси футболчисини сотиб олмоқчи бўлган.

Аммо, журналист Даниеле Лонгонинг сўзларига кўра, энди Берарди учун курашга «Лестер» ва «Милан» ҳам қўшилади.

Иккала клуб ҳам потенциал трансфер имкониятларини ўрганмоқда. Манбага кўра, «Сассуоло» ўз етакчиси учун камида 35 миллион евро сўрамоқда.

Эътиборлиси, А Сериянинг сўнгги мавсумида италиялик 30 та ўйин ўтказиб, 17 та гол ва 8 та голли узатмани амалга оширган.