Yarimhimoyachi Marselo Brozovich joriy mavsum oxirida erkin agent sifatida "Inter"ni tark etishi mumkin.
28 yoshli xorvatiyalik yarimhimoyachining amaldagi shartnomasi 10 oyda tugaydi, ammo "neradzurrilar" rahbariyati uni uzaytirish borasida ancha vaqtdan beri muzokara olib bormoqda.
Calciomercato nashri xabariga ko‘ra, Brozovich yiliga 6 million yevro maosh oladigan bo‘lsa, shartnomani uzaytirishga tayyor bo‘ladi. Qayd etilishicha, milanliklar bunday yuqori maosh to‘lashga tayyor emas va talabni kamaytirish uchun futbolchi bilan muzokara o‘tkazishga urinishmoqda.
Eslatib o‘tamiz, yanvar oyida Brozovich har qanday klub bilan muzokara olib borishi mumkin bo‘ladi. Futbolchiga da’vogarlar yetarlicha, asosiylari orasida "Liverpul"
va "Atletiko" bor.