«Liverpul» bosh murabbiyi Yurgen Klopp «qizillar»ning transfer siyosati haqida o‘z fikrlari bilan o‘rtoqlashdi.

«Rostini aytsam, menga boshqa klublar nima qilayotgani qiziq emas. Men «Liverpul»da qariyb olti yildan buyon ishlayman, shu vaqt ichida biz ba’zi yutuqlarga erishdik.

Biz dunyodagi eng muvaffaqiyatli klub emasmiz. Bizdan har doim nima uchun bunday ishlayotganimizni so‘rashadi, boshqacha emas.

Agar biz hozir futbolchilarimiz bilan uzoq muddatli shartnomalar imzolasak, bu mantiqiy to‘g‘ri qaror bo‘ladi. Ortiqcha transferlarga tayyor emasmiz.

Transferlar haqida doimo gapirish meni bezovta qiladi, chunki men bu haqda million marta aytganman. Biz muhokama qilmagan yagona transfer bu Ronalduning transferi edi. Hammasi shu», - deydi Klopp.

Eslatib o‘tamiz, o‘tgan yozda «Liverpul» 30 million yevro evaziga «Leypsig»dan faqat Konate bilan shartnoma imzolagandi.