«Yuventus» bosh murabbiyi Massimiliano Allegri Italiya chempionatining 4-turi doirasida bo‘lib o‘tgan «Milan»ga qarshi o‘yin (1:1) borasida o‘z fikrini bildirib o‘tdi.

«Birinchi taymda yaxshi o‘ynadik, ko‘p vaziyatlar yaratdik, raqibga deyarli imkon bermadik. Shunga qaramay, mazkur bahsda mag‘lubiyatga uchrashimiz mumkin edi.

Afsuski, biz konsentrasiyani yo‘qotib qo‘ydik. Burchak to‘pidan gol o‘tkazib yubordik. O‘z nazoratimiz ostida bo‘lgan to‘pni raqibga berib qo‘yish kerak emas.

Tan olaman, o‘yinchi almashtirishda xatoga yo‘l qo‘ydim. Maydonga ko‘proq himoyachilarni tushirib, hisobdagi ustunlikni saqlab qolishga harakat qilishimiz kerak edi. Shu bois, mas’uliyatni o‘z zimmamga olaman.

Birinchi bo‘limda ijobiy vaziyatlar bo‘ldi. Ammo so‘nggi 15 daqiqa meni g‘azablantirdi. Sabr va bor kuch bilan oxirigacha kurashishimiz shart edi. Bunday vaziyatlar chiroyli o‘yinga e’tibor berish kerak emas, shunchaki natija uchun o‘ynash kerak.

Baxtimizga hakam final hushtagini chaldi, aks holda yutqazishimiz mumkin edi», – dedi Allegri.

«Yuventus» A seriyaning joriy mavsumida 4ta o‘yindan 2 ochko jamg‘argan holda jadvalda 18-pog‘onada bormoqda.