"Tottenxem" klubining sobiq murabbiyi Tim Shervud fikriga ko‘ra, ikki raqib, "shporlar" hamda "Arsenal" tarkibidan ramziy terma jamoa tuziladigan bo‘lsa, unga to‘pchilar tarkibidan faqat Kiran Tirni va Bukayo Saka kiritiladi, xolos. U bu haqda shunday deydi:
"Ramziy terma jamoa deganda faqat eng kuchililar nazarda tutiladi. Shunday ekan, unga Kiran Tirni kirgan bo‘lardi. Obameyangni esa bilmadim. U anchadan beri o‘z darajasidan tushib ketgan. Lekin bu ramziy jamoaning hujum chizig‘i aniq Son hamda Keyn juftligidan iborat bo‘lar edi. Bukayo Sakani ham qo‘shgan bo‘lardim. U o‘zgacha iste’dod egasi. Rivojlanayotgan "Arsenal"dan boshqa hech kimni ola olmaymiz".
Eslatib o‘tamiz, hafta yakunida "Tottenxem" "kanonirlar" maydoniga safar qiladi.
