"Тоттенхем" клубининг собиқ мураббийи Тим Шервуд фикрига кўра, икки рақиб, "шпорлар" ҳамда "Арсенал" таркибидан рамзий терма жамоа тузиладиган бўлса, унга тўпчилар таркибидан фақат Киран Тирни ва Букаё Сака киритилади, холос. У бу ҳақда шундай дейди:
"Рамзий терма жамоа деганда фақат энг кучилилар назарда тутилади. Шундай экан, унга Киран Тирни кирган бўларди. Обамеянгни эса билмадим. У анчадан бери ўз даражасидан тушиб кетган. Лекин бу рамзий жамоанинг ҳужум чизиғи аниқ Сон ҳамда Кейн жуфтлигидан иборат бўлар эди. Букаё Сакани ҳам қўшган бўлардим. У ўзгача истеъдод эгаси. Ривожланаётган "Арсенал"дан бошқа ҳеч кимни ола олмаймиз".
Эслатиб ўтамиз, ҳафта якунида "Тоттенхэм" "канонирлар" майдонига сафар қилади.
