«Milan» bosh murabbiyi Stefano Pioli futbolga qiziqarli qoidalarni kiritishni taklif qildi.

«Beshta almashtirish qoidsi? Bu juda muhim yangilik bo‘ldi. Men bu haqda anchadan beri gapirib kelyapman. Ayniqsa, hozirgidek har 3 kunda o‘yin o‘tkazishga to‘g‘ri kelayotgan paytda. Axir gap futbolchilarning maydonda necha daqiqa o‘ynashida emas, balki ular namoyish etadigan sifatda.

«Agar ixtiyor menda bo‘lganida, to‘p maydonni tark etganida o‘yin vaqtini to‘xtatib qo‘yish taklifini bergan bo‘lardim. Bundan tashqari, taym-aut imkoniyatini futbolga kiritgan bo‘lardim», — deya qo‘shimcha qo‘ldi Pioli.

Ma’lumot o‘rnida: A seriyaning 4-turidan o‘rin olgan «Yuventus»ga qarshi o‘yin (1:1) 95-daqiqa davom etgan bo‘lsa-da, toza o‘yin vaqti bor-yo‘g‘i 48 daqiqadan iborat bo‘lgandi.

«Agar yanada hujumkor o‘yin tomosha qilishni istasak, basketboldagi qoidani futbolga joriy qiling. Ya’ni jamoa to‘p bilan maydonning raqib tomoniga o‘tganidan so‘ng to‘pni o‘z yarim maydoniga uzatish mumkin emas», — dedi Pioli.

Eslatib o‘tamiz, Pioli boshqaruvidagi «Milan» joriy mavsumda 5ta o‘yindan so‘ng 13 ochko jamg‘argan holda A seriya jadvalida 3-o‘rinni egallab turibdi.