«Милан» бош мураббийи Стефано Пиоли футболга қизиқарли қоидаларни киритишни таклиф қилди.

«Бешта алмаштириш қоидси? Бу жуда муҳим янгилик бўлди. Мен бу ҳақда анчадан бери гапириб келяпман. Айниқса, ҳозиргидек ҳар 3 кунда ўйин ўтказишга тўғри келаётган пайтда. Ахир гап футболчиларнинг майдонда неча дақиқа ўйнашида эмас, балки улар намойиш этадиган сифатда.

«Агар ихтиёр менда бўлганида, тўп майдонни тарк этганида ўйин вақтини тўхтатиб қўйиш таклифини берган бўлардим. Бундан ташқари, тайм-аут имкониятини футболга киритган бўлардим», — дея қўшимча қўлди Пиоли.

Маълумот ўрнида: А сериянинг 4-туридан ўрин олган «Ювентус»га қарши ўйин (1:1) 95-дақиқа давом этган бўлса-да, тоза ўйин вақти бор-йўғи 48 дақиқадан иборат бўлганди.

«Агар янада ҳужумкор ўйин томоша қилишни истасак, баскетболдаги қоидани футболга жорий қилинг. Яъни жамоа тўп билан майдоннинг рақиб томонига ўтганидан сўнг тўпни ўз ярим майдонига узатиш мумкин эмас», — деди Пиоли.

Эслатиб ўтамиз, Пиоли бошқарувидаги «Милан» жорий мавсумда 5та ўйиндан сўнг 13 очко жамғарган ҳолда А серия жадвалида 3-ўринни эгаллаб турибди.