Germaniya chempionatida «Bavariya»ga asosiy raqobatchi hisoblangan "Borussiya Dortmund" joriy mavsum Erling Xolandning gollari hisobiga biror bir natijaga erishishi mumkin.
UYEFA reytingi (2020/21 yakuni): 14
Qanday yetib kelishdi: Bundesligada 3-o‘rin
O‘tgan mavsum: chorak final (mag‘lubiyat, umumiy 2:4 "Manchester Siti")
Yevrokuboklardagi eng yaxshi ishtirok: g‘olib (1996/97)
Bosh murabbiy: Marko Roze
«Gannover» va «Mayns»ning sobiq bosh murabbiyi Roze murabbiylik faoliyatini Yurgen Klopp va Tomas Tuxel kabi «Mayns»da yordamchi murabbiy bo‘lib boshlagan. 2017-2019 yillarda «Zalsburg»ni mamlakat chempioni qilganidan so‘ng, Myonxengladbaxning «Borussiya» klubini boshqardi va jamoani 2020/21 yilgi mavsumda YECHL nimchorak finaliga qadar olib chiqadi. Shundan keyin "Borussiya Dormund" tizginini o‘z qo‘liga oldi.
Asosiy o‘yinchi: Erling Xoland
Norvegiyalik sobiq yulduz Alf-Inge Xolandning o‘g‘li, 21 yoshli allaqachon jahonning eng qo‘rqinchli hujumchilaridan biriga aylanib ulgurgan. 19 yosh vaqtida «Zalsburg» safida Chempionlar Ligasida dastlabki xet-trigiga erishganidan keyin o‘sishdan to‘xtayotgani yo‘q. U Dortmunddagi birinchi uch mavsumida urgan gollari soni 1 o‘yinda o‘rtacha bittani tashkil etmoqda.
Yozgi eng katta xaridi: Donell Mallen
22 yoshli niderlandiyalik xalqaro maydonda o‘zini ko‘rsatishi lozim. Jeydon Sancho MYU bilan shartnoma imzolaganidan keyin uning hududi Mallen bilan to‘ldirildi. PSV klubida 81 chempionat o‘yinlarida 40 golni o‘z hisobiga yozdirib qo‘ygan vinger, Xoland va Royslarning yonida ushbu ko‘rsatkichni yanada yaxshilashga intilmoqchi.
O‘yinini ko‘rish kerak: Yussufa Mukuku
10 oy oldin Mukuku Bundesliga tarixida maydonga tushgan eng yosh futbolchiga aylangandi, keyinchalik ya’ni 16 yosh 18 kunligida esa Yevropa Chempionlar Ligasidagi rekordni ham yangilashga ulgurdi. Xoland va Malendan keyin asosiy tarkib uchun navbatda turgan Germaniyaning yoshlar terma jamoasi a’zosining vaqti ham tez orada keladi.
Bilasizmi?
Dortmund klubi o‘tgan mavsum chorak finalda ishtirokini tugatgan, shunday bo‘lsada, Xoland 8 o‘yinda 10 gol urgan holda YECHLning 2020/21 yilgi mavsumi to‘purari bo‘lgan.
Germaniya klubi bu mavsum guruh bosqichida «Ayaks», «Beshiktosh» va «Sporting» jamoalari bilan bellashadi. Dastlabki turda dortmundliklar 2:1 hisobida Turkiya klubini mag‘lubiyatga uchratdi.
