Германия чемпионатида «Бавария»га асосий рақобатчи ҳисобланган "Боруссия Дортмунд" жорий мавсум Эрлинг Холанднинг голлари ҳисобига бирор бир натижага эришиши мумкин.
УЕФА рейтинги (2020/21 якуни): 14
Қандай етиб келишди: Бундеслигада 3-ўрин
Ўтган мавсум: чорак финал (мағлубият, умумий 2:4 "Манчестер Сити")
Еврокубоклардаги энг яхши иштирок: ғолиб (1996/97)
Бош мураббий: Марко Розе
«Ганновер» ва «Майнс»нинг собиқ бош мураббийи Розе мураббийлик фаолиятини Юрген Клопп ва Томас Тухел каби «Майнс»да ёрдамчи мураббий бўлиб бошлаган. 2017-2019 йилларда «Залсбург»ни мамлакат чемпиони қилганидан сўнг, Мёнхенгладбахнинг «Боруссия» клубини бошқарди ва жамоани 2020/21 йилги мавсумда ЕЧЛ нимчорак финалига қадар олиб чиқади. Шундан кейин "Боруссия Дормунд" тизгинини ўз қўлига олди.
Асосий ўйинчи: Эрлинг Холанд
Норвегиялик собиқ юлдуз Алф-Инге Холанднинг ўғли, 21 ёшли аллақачон жаҳоннинг энг қўрқинчли ҳужумчиларидан бирига айланиб улгурган. 19 ёш вақтида «Залсбург» сафида Чемпионлар Лигасида дастлабки хет-тригига эришганидан кейин ўсишдан тўхтаётгани йўқ. У Дортмунддаги биринчи уч мавсумида урган голлари сони 1 ўйинда ўртача биттани ташкил этмоқда.
Ёзги энг катта хариди: Донелл Маллен
22 ёшли нидерландиялик халқаро майдонда ўзини кўрсатиши лозим. Жейдон Санчо МЮ билан шартнома имзолаганидан кейин унинг ҳудуди Маллен билан тўлдирилди. ПСВ клубида 81 чемпионат ўйинларида 40 голни ўз ҳисобига ёздириб қўйган вингер, Холанд ва Ройсларнинг ёнида ушбу кўрсаткични янада яхшилашга интилмоқчи.
Ўйинини кўриш керак: Юссуфа Мукуку
10 ой олдин Мукуку Бундеслига тарихида майдонга тушган энг ёш футболчига айланганди, кейинчалик яъни 16 ёш 18 кунлигида эса Европа Чемпионлар Лигасидаги рекордни ҳам янгилашга улгурди. Холанд ва Малендан кейин асосий таркиб учун навбатда турган Германиянинг ёшлар терма жамоаси аъзосининг вақти ҳам тез орада келади.
Биласизми?
Дортмунд клуби ўтган мавсум чорак финалда иштирокини тугатган, шундай бўлсада, Холанд 8 ўйинда 10 гол урган ҳолда ЕЧЛнинг 2020/21 йилги мавсуми тўпурари бўлган.
Германия клуби бу мавсум гуруҳ босқичида «Аякс», «Бешиктош» ва «Спортинг» жамоалари билан беллашади. Дастлабки турда дортмундликлар 2:1 ҳисобида Туркия клубини мағлубиятга учратди.
