«Chelsi» bosh murabbiyi Tomas Tuxel hujumchi Krishtianu Ronalduning ketishi «Yuventus»ga ko‘rsatgan ta’siri haqida o‘z fikrlari bilan o‘rtoqlashdi.

“Vaqt ko‘rsatadi, lekin menimcha, hech kimga sir emaski, Ronaldudek futbolchini yo‘qotgan har qanday klub kuchsizlanib qoladi, chunki u tarixdagi eng yaxshi futbolchilardan biri. Ular buyuk chempion va yorqin shaxsiyatni yo‘qotishgan.

Ammo Ronaldusiz ham uchrashuvlarda g‘alaba qozonish va kuchli bo‘lish mumkin. Ularda tajribali jamoa, iqtidorli, yaxshi murabbiy ham bor. Ular katta tajribaga ega, shu jumladan Chempionlar ligasida. «Yuventus» mavsum boshida qiyinchiliklarga duch keldi, lekin ular har doim Chempionlar ligasida ishonchli o‘yin namoyish etishgan.

Bizni favorit qilib qo‘yish oson, bu holda raqibning motivasiyasi oshadi. Biz buni qabul qilishimiz kerak — biz turnirda g‘olib bo‘ldik”, - deydi nemis mutaxassisi.