«Челси» бош мураббийи Томас Тухель ҳужумчи Криштиану Роналдунинг кетиши «Ювентус»га кўрсатган таъсири ҳақида ўз фикрлари билан ўртоқлашди.

“Вақт кўрсатади, лекин менимча, ҳеч кимга сир эмаски, Роналдудек футболчини йўқотган ҳар қандай клуб кучсизланиб қолади, чунки у тарихдаги энг яхши футболчилардан бири. Улар буюк чемпион ва ёрқин шахсиятни йўқотишган.

Аммо Роналдусиз ҳам учрашувларда ғалаба қозониш ва кучли бўлиш мумкин. Уларда тажрибали жамоа, иқтидорли, яхши мураббий ҳам бор. Улар катта тажрибага эга, шу жумладан Чемпионлар лигасида. «Ювентус» мавсум бошида қийинчиликларга дуч келди, лекин улар ҳар доим Чемпионлар лигасида ишончли ўйин намойиш этишган.

Бизни фаворит қилиб қўйиш осон, бу ҳолда рақибнинг мотивацияси ошади. Биз буни қабул қилишимиз керак — биз турнирда ғолиб бўлдик”, - дейди немис мутахассиси.