«Barselona» bosh murabbiyi Ronald Kuman bugun-erta iste’foga chiqarilmaydi, deya xabar tarqatdi Sport.es.
Manbaga ko‘ra, niderlandiyalik mutaxassis kamida La liganing 8-turi doirasida bo‘lib o‘tadigan «Atletiko»ga qarshi o‘yingacha jamoa boshqaruvida qoladi. Eslatib o‘tamiz, Kuman diskvalifikasiya tufayli mazkur bahsni o‘tkazib yuboradi.
«Barselona» prezidenti Joan Laporta prinsipial raqibga qarshi o‘yin arafasida klubdagi vaziyatni murakkablashtirib yubormaslik uchun bosh murabbiyni iste’foga chiqarishga shoshilmayapti. Rahbariyat Kuman boshchiligidagi jamoaning o‘sishiga umid qilmoqda.
Niderlandiyalik murabbiyning kelajagi borasida «Atletiko»ga qarshi o‘yindan keyin o‘ylab ko‘riladi.