"Arsenal" ustozi Mikel Arteta klub darvozaboni Bernd Leno holati yuzasidan fikr bildirdi. U bu haqda "Express" nashriga shunday deydi:
"Men u bilan 48 soat ilgari hamma narsa haqida bafurja gaplashib oldim. Ravshanki, u va men o‘rtamizda bo‘lgan har qanday suhbat sir saqlanadi va men bu haqida OAVga gapirmoqchi emasman. U mashg‘ulotlarimizda har doimgiday ishtirok etmoqda. U boshqa darvozabonlarimizga yordam berayapti, o‘z o‘rnida ular ham Berndga. Bor gap shu. Leno hammasini tushunib, to‘g‘ri qabul qildi".
29 yoshli darvozabon "Leverkuzen" tarkibidagi 7 ta mavsumdan keyin 2018 yilda "Arsenal" posboniga aylangan edi. U shu paytgacha to‘pchilar safida 121 ta o‘yinda maydonga tushgan.
