"Арсенал" устози Микель Артета клуб дарвозабони Бернд Лено ҳолати юзасидан фикр билдирди. У бу ҳақда "Express" нашрига шундай дейди:

"Мен у билан 48 соат илгари ҳамма нарса ҳақида бафуржа гаплашиб олдим. Равшанки, у ва мен ўртамизда бўлган ҳар қандай суҳбат сир сақланади ва мен бу ҳақида ОАВга гапирмоқчи эмасман. У машғулотларимизда ҳар доимгидай иштирок этмоқда. У бошқа дарвозабонларимизга ёрдам бераяпти, ўз ўрнида улар ҳам Берндга. Бор гап шу. Лено ҳаммасини тушуниб, тўғри қабул қилди".

29 ёшли дарвозабон "Леверкузен" таркибидаги 7 та мавсумдан кейин 2018 йилда "Арсенал" посбонига айланган эди. У шу пайтгача тўпчилар сафида 121 та ўйинда майдонга тушган.