«Manchester Yunayted» bosh murabbiyi Ole-Gunnar Sulsher «Everton»ga qarshi o‘yinda Krishtianu Ronalduni zaxirada qoldirganiga afsuslanmasligini aytib o‘tdi.
«Bundan afsuslanmayman. Mavsum olis ekanini inobatga olgan holda qaror qabul qilishim zarur. Kuchlarni teng taqsimlashim kerak. Nazarimda, qaror to‘g‘ri edi.
Marsyal asosiy tarkibda maydonga tushdi, gol urdi va yaxshi o‘ynadi. Kavaniga ham o‘yin amaliyoti kerak. Bir soat o‘ynadi va gol urishi mumkin edi. Bunday qarorlar qabul qilib turish kerak», – dedi Sulsher.













