Toshkentning «Paxtakor» jamoasi yangi mavsumga tayyorgarlikni avgust oyining oxirida boshladi.
Mashg‘ulotlar Yunusoboddagi «O‘zbekiston» sport majmuasida, kuniga bir mahaldan olib borilmoqda. Klubning Qibraydagi o‘quv-mashg‘ulot bazasida futzalchilar uchun ham joy ajratilgan.
«Bunyodkor» bilan 5-sentyabr kuni tashkil etilgan o‘rtoqlik uchrashuvida «qaldirg‘ochlar» «sherlar»dan ustun keldi – 6:5.
O‘tgan yilgi tarkibdan Farhod Abdumavlonov, Mashrab Odilov, Akbar Usmonov, Sunnat Jo‘rayev, Avaz Abduvaliyev, Dilmurod Shavkatov, Akmal Xazratqulov boshqa jamoaga o‘tgan. Jamoaga esa «Metallurg»dan Sunnat Anvarov kelib qo‘shildi.
