Тошкентнинг «Пахтакор» жамоаси янги мавсумга тайёргарликни август ойининг охирида бошлади.
Машғулотлар Юнусободдаги «Ўзбекистон» спорт мажмуасида, кунига бир маҳалдан олиб борилмоқда. Клубнинг Қибрайдаги ўқув-машғулот базасида футзалчилар учун ҳам жой ажратилган.
«Бунёдкор» билан 5-сентябр куни ташкил этилган ўртоқлик учрашувида «қалдирғочлар» «шерлар»дан устун келди – 6:5.
Ўтган йилги таркибдан Фарҳод Абдумавлонов, Машраб Одилов, Акбар Усмонов, Суннат Жўраев, Аваз Абдувалиев, Дилмурод Шавкатов, Акмал Хазратқулов бошқа жамоага ўтган. Жамоага эса «Металлург»дан Суннат Анваров келиб қўшилди.
