"Barselona" prezidenti Joan Laportaning murabbiy Ronald Kumanga yana bir bor ishonch bildirish qaroriga kim ta’sir qilgani ma’lum bo‘ldi.

Gollandiyalik 58 yoshli murabbiyning jamoada qolishida klubning sport bo‘limi bo‘yicha maslahatchisi lavozimini egallagan vatandoshi Jordi Kroyff muhim ro‘l o‘ynadi.

Payshanba kuni Chempionlar ligasida "Benfika"ga (0:3) yutqazgandan so‘ng, Laporta Kumanni ishdan bo‘shatishga qaror qildi. Biroq, juma kuni, La Ligadagi "Atletiko"ga qarshi o‘yindan oldin (0:2), prezident Ronaldga qo‘ng‘iroq qilib, uni qo‘llab-quvvatladi.

TV3 telekanalining xabar berishicha, juma kuni Laporta vaziyatni o‘zining eng yaqin tarafdorlari bilan muhokama qilgan, jumladan, kichik Kroyf bilan ham. "Ko‘k anorranglilar" prezidentini Kumanga oxirgi imkoniyat berishga ishontirgan Yohan Kroyffning o‘g‘li edi.

U jarohat olgan futbolchilar - Serxio Aguero, Usmon Dembele va Ansu Fati qaytganidan keyin jamoani o‘zgartirish mumkinligini ta’kidladi.