"Барселона" президенти Жоан Лапортанинг мураббий Рональд Куманга яна бир бор ишонч билдириш қарорига ким таъсир қилгани маълум бўлди.

Голландиялик 58 ёшли мураббийнинг жамоада қолишида клубнинг спорт бўлими бўйича маслаҳатчиси лавозимини эгаллаган ватандоши Жорди Кройфф муҳим рўл ўйнади.

Пайшанба куни Чемпионлар лигасида "Бенфика"га (0:3) ютқазгандан сўнг, Лапорта Куманни ишдан бўшатишга қарор қилди. Бироқ, жума куни, Ла Лигадаги "Атлетико"га қарши ўйиндан олдин (0:2), президент Рональдга қўнғироқ қилиб, уни қўллаб-қувватлади.

TV3 телеканалининг хабар беришича, жума куни Лапорта вазиятни ўзининг энг яқин тарафдорлари билан муҳокама қилган, жумладан, кичик Кройф билан ҳам. "Кўк анорранглилар" президентини Куманга охирги имконият беришга ишонтирган Ёҳан Кройффнинг ўғли эди.

У жароҳат олган футболчилар - Серхио Агуэро, Усмон Дембеле ва Ансу Фати қайтганидан кейин жамоани ўзгартириш мумкинлигини таъкидлади.