«Arsenal» bosh murabbiyi Mikel Arteta sobiq jamoa a’zosi Jek Uilsher klub bilan mashg‘ulot o‘tkazayotganini aytdi. Bu haqda u shunday deydi:
«Men uning qaytganidan juda baxtiyorman. Biz Jek bilan suhbatlashib oldik va unga hozir nima kerak ekanini tushunamiz. U boshidan o‘tkazgan davr oson kechmadi. Menimcha, klubdagi hamma uning qaytishidan faqat xursand bo‘ldi. Biz u bilan birga o‘tirdik va uni tingladik. Unga qanday yordam kerak ekanini anglab yetdik va qo‘limizdan kelganini berishimizni bildirdik. U biz bilan mashg‘ulot o‘tkazadi. U bizning maydonimizda, futbolchilarimizga, yoshlarimizga yordam beradi. U dastlabki murabbiylik saboqlarini oladi. O‘ylaymanki, Jekning kelishi hamma uchun foydali bo‘ladi».