«Арсенал» бош мураббийи Микель Артета собиқ жамоа аъзоси Жек Уилшер клуб билан машғулот ўтказаётганини айтди. Бу ҳақда у шундай дейди:
«Мен унинг қайтганидан жуда бахтиёрман. Биз Жек билан суҳбатлашиб олдик ва унга ҳозир нима керак эканини тушунамиз. У бошидан ўтказган давр осон кечмади. Менимча, клубдаги ҳамма унинг қайтишидан фақат хурсанд бўлди. Биз у билан бирга ўтирдик ва уни тингладик. Унга қандай ёрдам керак эканини англаб етдик ва қўлимиздан келганини беришимизни билдирдик. У биз билан машғулот ўтказади. У бизнинг майдонимизда, футболчиларимизга, ёшларимизга ёрдам беради. У дастлабки мураббийлик сабоқларини олади. Ўйлайманки, Жекнинг келиши ҳамма учун фойдали бўлади».
