Angliya chempionati 8-turi doirasida «Brentford» o‘z maydonida Tomas Tuxelning «Chelsi» jamoasini qabul qiladi.
Bilasizmi?
«Chelsi» Premyer-Ligada oxirgi 6 safar London derbisida g‘alaba qozongan va Angliya Futbol tarixida (top-4 jamoa) ketma-ket shunday o‘yinlarni yutgan birinchi klub bo‘lishi mumkin.
«Brentford» Premyer-Liga tarixida birinchi 3ta London derbisida mag‘lub bo‘lmagan ilk jamoa hisoblanadi. Ular "Vest Xem" va «Arsenal»ni taslim etib, "Kristal Pelas" bilan durang natija qayd etishgan.
«Chelsi»ning 12 nafar futbolchisi bu mavsum APLda gol urishga erishdi. Bu chempionatdagi istalgan jamoanikidan ko‘p. Faqatgina «Arsenal» klubi 2009/10 yilgi mavsumda dastlabki 7 turda ko‘proq futbolchi (13) o‘z nomini tabloga yozdirib qo‘yishga muvaffaq bo‘lgan.
«Brentford» APL musobaqa jadvalida yetakchi bo‘lib turgan jamoalarga qarshi 9 marta to‘qnash kelgan va yettitasida g‘alaba qozongan (2 mag‘lubiyat). «Arilar»ning Angliya chempionati peshqadamlariga qarshi g‘alaba qozonish ko‘rsatkichi (78 foiz) Anlgiya yuqori divizioni tarixida istalgan klubning natijasidan yaxshi.
Bahs rasmiylari
Bosh hakam: Entoni Teylor
Qanot hakamlari: Geri Besvik, Adam Nunn
Zaxira hakami: Simon Huper
VAR: Pol Tirni
VAR yordamchisi: Shon Messi-Ellis
Taxminniy tarkiblar
Brentford - Rays, Pinnok, Yansson, AYEr, Anri, Oneka, Norgard, Yanelt, Kends, Toni, Mbeemo
Chelsi - Mendi, Aspilikueta, Kristensen, Chaloba, Jeyms, Kovachich, Jorjinyo, Chiluell, Maunt, Verner, Lukaku.
Jamoa xabarlari
«Brentford» safida Shandon Baptiste, Josh Dasilva va Mads Sorensen jarohatlari sababli maydonga tusha olishmaydi. G‘arbiy London derbisida AYEr va Yaneltga imkoniyat berilishi mumkin.
«Chelsi» tarkibida Ngolo Kante koronavirusdan tuzalib qaytdi va zaxiradan o‘yinni kuzatish ehtimoli mavjud. Tiago Silva Braziliya termasidagi o‘yini tufayli unga dam beriladi. Antonio Ryudiger ham mazkur bahsda qatnasha olmaydi. Kristian Pulishich hamon jarohatini tiklash bilan band.
Raqamlar
«Brentford» barcha musobaqalarda «Chelsi»ga qarshi oxirgi 3 o‘yinida 2,5 tadan ko‘p gol kiritilgan.
«Chelsi» APLda oxirgi 12 uchrashuvning 11 tasida mag‘lubiyatga uchramagan.
«Brentford» so‘nggi 3 o‘yinda kamida ikkitadan gol kiritgan (Premyer-Liga).
«Chelsi» barcha musobaqalarda «Brentford» bilan oxirgi 3 bahsda kamida ikkitadan gol urishga erishgan.
«Aristokratlar» 7 turdan keyin 16 ochko bilan birinchi, «Brentford» esa 12 ochko jamg‘argan holda APL jadvalida 7-o‘rinni egallab turibdi.
Mazkur bahs bugun Toshkent vaqti bilan soat 21:30 da boshlanishi rejalashtirilgan.
