"Liverpul" hujumchisi Muhammad Saloh APL 8-turidan o‘rin olgan "Uotford"ga qarshi uchrashuvdan so‘ng (5:0) o‘yin haqida o‘z fikrlarini bildirib o‘tdi.
"Bugungi g‘alaba biz uchun juda muhim edi. Firmino ajoyib o‘yin o‘tkazdi va xet-trikka erishdi, tabriklayman. Mane ham chiroyli gol urdi. Jarima maydonchasida doim kimgadir to‘p uzatishga harakat qilaman va har doim jamoa uchun ishlashga urinaman. Eng muhimi, bugun biz juda ko‘p gollar urdik. Shuningdek, bizning butun hujum chizig‘imiz uchrashuv davomida bir-birini tushunib o‘ynadi. Umid qilamanki, biz xuddi shu ruhda davom etamiz. Ishonaman, biz mavsum yakunida chempion bo‘la olamiz va Chempionlar ligasi uchun ham kurashamiz. "Liverpul" kabi jamoaga barcha sovrinlar uchun kurashish muhim", - deya so‘zlarini yakunladi misrlik futbolchi.
Eslatib o‘tamiz, "Liverpul" bugungi g‘alabadan so‘ng 18 ochko bilan turnir jadvalining 1-o‘rniga ko‘tarilib oldi.
