«Barselona» hujumchisi Ansu Fatining agenti bilan yangi shartnoma borasidagi muzokaralar to‘xtab qoldi, deb xabar bermoqda El Nacional.
Manbaga ko‘ra, 18 yoshli futbolchining vakili Xorxe Mendesh Kataloniya klubi rahbariyatining shartlariga rozi emas.
«Barsa» har yili maosh shartlarini yaxshilash imkoniyati bilan uzoq muddatli shartnoma tuzmoqchi, ammo Mendesh boshqa klubga o‘tish imkoniyatlarini chetga surib, rahbariyatdan uzaytirilishi mumkin bo‘lgan 2 yillik shartnoma talab qilmoqda.
Ma’lumot uchun, Fatining «Barsa» bilan amaldagi shartnomasi 2022 yilning yozida tugaydi.
