«Барселона» ҳужумчиси Ансу Фатининг агенти билан янги шартнома борасидаги музокаралар тўхтаб қолди, деб хабар бермоқда El Nacional.
Манбага кўра, 18 ёшли футболчининг вакили Хорхе Мендеш Каталония клуби раҳбариятининг шартларига рози эмас.
«Барса» ҳар йили маош шартларини яхшилаш имконияти билан узоқ муддатли шартнома тузмоқчи, аммо Мендеш бошқа клубга ўтиш имкониятларини четга суриб, раҳбариятдан узайтирилиши мумкин бўлган 2 йиллик шартнома талаб қилмоқда.
Маълумот учун, Фатининг «Барса» билан амалдаги шартномаси 2022 йилнинг ёзида тугайди.
