Gollandiyada Erediviziyasining to‘qqizinchi turidan o‘rin olgan uchrashuvda «Vitess» «Neymegen»ni mag‘lub etdi (1:0).

Uchrashuvdan so‘ng, mehmon jamoa futbolchilari o‘z muxlislari oldiga yugurib, qo‘llab-quvvatlaganlari uchun minnatdorchilik bildirishdi.

Shundan so‘ng «Vitess» muxlislari sakrashni boshladilar, natijada stadionning bir qismi qulab tushdi.

Yaxshiyamki, shohsupada bo‘lganlardan hech kim jabr ko‘rmadi. Eslatib o‘tamiz, «Vitess» Gollandiya chempionatida oltinchi o‘rinda bormoqda (16 ochko). «Neymegen» esa 11 ochko bilan 11-o‘rinni band etgan.