Голландияда Эредивизиясининг тўққизинчи туридан ўрин олган учрашувда «Витесс» «Неймеген»ни мағлуб этди (1:0).

Учрашувдан сўнг, меҳмон жамоа футболчилари ўз мухлислари олдига югуриб, қўллаб-қувватлаганлари учун миннатдорчилик билдиришди.

Шундан сўнг «Витесс» мухлислари сакрашни бошладилар, натижада стадионнинг бир қисми қулаб тушди.

Яхшиямки, шоҳсупада бўлганлардан ҳеч ким жабр кўрмади. Эслатиб ўтамиз, «Витесс» Голландия чемпионатида олтинчи ўринда бормоқда (16 очко). «Неймеген» эса 11 очко билан 11-ўринни банд этган.