«Barselona» moliyaviy qiyinchiliklarga qaramay, hujum chizig‘ini kuchaytirish variantini ko‘rib chiqmoqda.

Mish-mishlarga ko‘ra, kataloniyaliklar Erling Xolandni qo‘lga kiritish uchun kurashda ishtirok etishadi, ammo shartnomani rasmiylashtirish oson bo‘lmaydi.

Cadena SER ma’lumotlariga ko‘ra «Real Sosyedad» hujumchisi Aleksandr Isak «ko‘k-anorranglilar» qiziqish markaziga tushgan.

Shvesiyalik hujumchi «Real Sosyedad» safida 2019 yilning yozidan buyon o‘ynab keladi. 22 yoshli futbolchi joriy mavsum 7 ta o‘yinda maydonga tushib, 1 ta gol urdi.

Nufuzli transfermarkt portali mutaxassislari Aleksandr Isakni 40 million yevroga baholamoqda. Qizig‘i shundaki, so‘nggi bir yil ichida shvedning taxminiy narxi deyarli ikki barobarga oshdi - 2020 yil oktyabr oyida bu 22 million yevroni tashkil etdi.