«Барселона» молиявий қийинчиликларга қарамай, ҳужум чизиғини кучайтириш вариантини кўриб чиқмоқда.
Миш-мишларга кўра, каталонияликлар Эрлинг Холандни қўлга киритиш учун курашда иштирок этишади, аммо шартномани расмийлаштириш осон бўлмайди.
Cadena SER маълумотларига кўра «Реал Сосьедад» ҳужумчиси Александр Исак «кўк-анорранглилар» қизиқиш марказига тушган.
Швециялик ҳужумчи «Реал Сосьедад» сафида 2019 йилнинг ёзидан буён ўйнаб келади. 22 ёшли футболчи жорий мавсум 7 та ўйинда майдонга тушиб, 1 та гол урди.
Нуфузли трансфермаркт портали мутахассислари Александр Исакни 40 миллион еврога баҳоламоқда. Қизиғи шундаки, сўнгги бир йил ичида шведнинг тахминий нархи деярли икки баробарга ошди - 2020 йил октябрь ойида бу 22 миллион еврони ташкил этди.
