"Yuventus" bosh murabbiyi Massimiliano Allegri Chempionlar ligasi guruh bosqichi 3-turidan o‘rin olgan "Zenit"ga qarshi o‘yindan avval matbuot anjumanida qatnashdi.

"Zenit" - yaxshi jamoa. Ular Londonda "Chelsi"ga qarshi yaxshi himoyaviy o‘yin ko‘rsatishgan. Biz uchun 3-tur - muhim bosqich. Bu o‘yin bizga pley-offga chiqish ehtimolini oshirish imkonini beradi. Keyingi bosqichga chiqish uchun Sankt-Peterburgda ochko to‘plashimiz kerak. Shunda biz guruhda eng yuqori pog‘onani egallab olamiz.

- De Ligt maydonga tushishga tayyormi?

- De Ligt to‘liq tiklandi, u maydonga tushadi. Aks holda, uning o‘rniga Rugani o‘ynagan bo‘lardi. Matteys to‘liq tiklangani uchun o‘zi o‘ynaydi. Aleks Sandro ham tuzalib ketdi. Shuningdek, De Shilyo "Roma" ga qarshi yaxshi o‘ynadi, agar u doimo asosiy tarkibda maydonga tushishni hoxlasa shunday o‘yin ko‘rsatishda davom etishi kerak.

- Artur maydonga tushadimi?

- Shensni, De Ligt va Bonuchchi aniq birinchi daqiqalarga ega bo‘ladi, qolgan futbolchilarni hozircha hal qilmadim. Arturga kelsak, u ayni vaqtda asosiy tarkibda o‘ynay olmaydi, ehtimol. Lekin hech bo‘lmaganda u bir taym o‘ynaydi.

- Morataning ahvoli qanday?

- Yaxshi. U 100 foiz tiklandi va uchrashuvni asosiy tarkibda boshlashi mumkin", - dedi Allegri.