"Ювентус" бош мураббийи Массимилиано Аллегри Чемпионлар лигаси гуруҳ босқичи 3-туридан ўрин олган "Зенит"га қарши ўйиндан аввал матбуот анжуманида қатнашди.

"Зенит" - яхши жамоа. Улар Лондонда "Челси"га қарши яхши ҳимоявий ўйин кўрсатишган. Биз учун 3-тур - муҳим босқич. Бу ўйин бизга плей-оффга чиқиш эҳтимолини ошириш имконини беради. Кейинги босқичга чиқиш учун Санкт-Петербургда очко тўплашимиз керак. Шунда биз гуруҳда энг юқори поғонани эгаллаб оламиз.

- Де Лигт майдонга тушишга тайёрми?

- Де Лигт тўлиқ тикланди, у майдонга тушади. Акс ҳолда, унинг ўрнига Ругани ўйнаган бўларди. Маттейс тўлиқ тиклангани учун ўзи ўйнайди. Алекс Сандро ҳам тузалиб кетди. Шунингдек, Де Шильо "Рома" га қарши яхши ўйнади, агар у доимо асосий таркибда майдонга тушишни ҳохласа шундай ўйин кўрсатишда давом этиши керак.

- Артур майдонга тушадими?

- Шенсны, Де Лигт ва Бонуччи аниқ биринчи дақиқаларга эга бўлади, қолган футболчиларни ҳозирча ҳал қилмадим. Артурга келсак, у айни вақтда асосий таркибда ўйнай олмайди, эҳтимол. Лекин ҳеч бўлмаганда у бир тайм ўйнайди.

- Моратанинг аҳволи қандай?

- Яхши. У 100 фоиз тикланди ва учрашувни асосий таркибда бошлаши мумкин", - деди Аллегри.