"Barselona"ning niderlandiyalik hujumchisi Memfis Depay "Real Madrid"ga qarshi o‘yin oldidan fikrlarini bildirib o‘tdi.

"Bu o‘yin har doim kuzatiladigan o‘yin. Men bu lahzaning tezroq kelishini juda xohlayman. Bu juda yaxshi bo‘ladi, chunki muxlislar stadionga borib o‘yinni tomosha qilish imkoniyatiga ega bo‘ladilar.

Men hech qanday bosim sezmayapmayapman. Maydonga chiqqanimda baxtliman, ayniqsa "Kamp Nou"dagi o‘yinlarda. Maydonga chiqib, o‘zimni uydagidek his qilish - bu o‘zgacha tuyg‘u.

Men o‘zimni jamoaga ko‘proq narsani bera oladigandek his qilyapman, hozircha jamoaga olib kelgan narsalarimdan unchalik mamnun emasman. Men iloji boricha ko‘proq gol urishni va iloji boricha ko‘p golli uzatmalarni berishni xohlayman.

Men o‘zimni karyeramda eng yaxshi vaqtga yetgandek his qilyapman, lekin bundan keyin ham hammasini bundanda yaxshiroq qilishni xohlayman", - dedi Depay.

Eslatib o‘tamiz, "Barselona" - "Real Madrid" uchrashuvi 24 oktyabr Toshkent vaqti bilan 19:15 da boshlanadi.