"Барселона"нинг нидерландиялик ҳужумчиси Мемфис Депай "Реал Мадрид"га қарши ўйин олдидан фикрларини билдириб ўтди.
"Бу ўйин ҳар доим кузатиладиган ўйин. Мен бу лаҳзанинг тезроқ келишини жуда хоҳлайман. Бу жуда яхши бўлади, чунки мухлислар стадионга бориб ўйинни томоша қилиш имкониятига эга бўладилар.
Мен ҳеч қандай босим сезмаяпмаяпман. Майдонга чиққанимда бахтлиман, айниқса "Камп Ноу"даги ўйинларда. Майдонга чиқиб, ўзимни уйдагидек ҳис қилиш - бу ўзгача туйғу.
Мен ўзимни жамоага кўпроқ нарсани бера оладигандек ҳис қиляпман, ҳозирча жамоага олиб келган нарсаларимдан унчалик мамнун эмасман. Мен иложи борича кўпроқ гол уришни ва иложи борича кўп голли узатмаларни беришни хоҳлайман.
Мен ўзимни карьерамда энг яхши вақтга етгандек ҳис қиляпман, лекин бундан кейин ҳам ҳаммасини бунданда яхшироқ қилишни хоҳлайман", - деди Депай.
Эслатиб ўтамиз, "Барселона" - "Реал Мадрид" учрашуви 24 октябрь Тошкент вақти билан 19:15 да бошланади.
