Kataloniyaning "Barselona" klubi himoyachisi Xordi Alba Chempionlar Ligasida Kiyevning "Dinamo"siga (1:0) qarshi yakunlangan o‘yin haqida fikr bildirdi.

"Birinchi bo‘limda ko‘proq gol urishimiz mumkin edi. Ikkinchisida biz yaxshi o‘yin ko‘rsata olmadik. Ammo, raqiblarga ham imkoniyat yaratishga yo‘l qo‘ymadik. Biz o‘yin davomida juda ko‘p qiyinchiliklarga duch keldik, birlashishga to‘g‘ri keldi. Pike - ajoyib himoyachi. Men undan o‘z assistim uchun hali ham rahmat kutyapman.
"Valensiya" va "Dinamo"ga qarshi o‘yinlardagi g‘alabalardan so‘ng biz klasikoga yaxshi kayfiyatda yaqinlashyapmiz. "Real"ga qarshi o‘yin qiyin bo‘ladi, lekin biz muxlislarni xursand qilishga harakat qilamiz", - deya Albaning so‘zlaridan iqtibos keltiradi "Marca" nashri.

Eslatib o‘tamiz, kataloniyaliklarning navbatdagi o‘yini "Real Madrid"ga qarshi 24 oktyabr Toshkent vaqti 19:15 da start oladi.