Bugun APL 9-tur doirasida «Brayton» o‘z maydonida "Manchester Siti"ni qabul qiladi.
Bilasizmi?
"Manchester Siti" a’zosi Kevin de Bryuyne 2020 yilning sentyabr oyidan beri ilk bor APLning ketma-ket uchrashuvlarida gol urishga erishdi. Faqatgina bir marta belgiyalik musobaqaning qatorasiga uch o‘yinida gol urgan. Bu 2015 yilning sentyabr-oktyabr oylarida kuzatilgan.
"Manchester Siti"ga qarshi ilk 7 APL o‘yinida (to‘plar nisbati: 21-2) mag‘lubiyatga uchragan «Brayton», may oyida o‘tkazilgan oxirgi uchrashuvda 0:2 hisobida ortda bora turib, vaziyatni o‘z foydasiga hal qilishni uddalagandi — 3:2.
Shundan ko‘rinib turibdiki, «Brayton» "Manchester Siti"ga qarshi so‘nggi bahsda oldingi 8 uchrashuvda kiritgan gollari soni (2) dan ko‘proq gol (3) urishga erishgan.
«Siti» APL doirasida «Brayton»ga jami 22 o‘yindan to‘rttasida mag‘lub bo‘lgan bo‘lsada, lekin ketma-ket ikki o‘yinda yutqazmagan (14 g‘alaba, 4 durang, 4 mag‘lubiyat).
Bahs rasmiylari
Bosh hakam: Kevin Frend
Qanot hakamlari: Adrian Xolms, Simon Long
Zaxira hakami: Simon Huper
VAR: Pol Tirni
VAR yordamchisi: Konstantin Hatzidakis
Taxminiy tarkiblar
Brayton - Sanches, Burn, Dank, Daffi, Kukurelya, Lallana, Bissuma, Grou, Veltman, Mope, Trossard
Manchester Siti - Ederson, Kanselu, Diash, Laporte, Zinchenko, Rodri, de Bryuyne, Bernardu, Foden, Grilish, Jezus.
Jamoa xabarlari
«Brayton» safida Denni Uelbek, Adam Vebster, Stiven Alzatening barchasida jarohat bor va ularning maydonga tushishi so‘roq ostida. Tariq Lempti "Manchester Siti"ga qarshi asosiy tarkibda boshlashi syurpriz bo‘lishi mumkin.
Pep Gvardiola jamoasida Ferran Torres jarohat olgan bo‘lsa, Benjamin Mendi anchadan beri tarkibdan tushib qolmoqda. Foden va Sterling ispaniyalik hujumchining o‘rnini to‘ldirishi mumkin. Gyundogan, Zinchenko, Ake, Stouns kabi futbolchilar ham boshlang‘ich tarkibda tushish ehtimoli yo‘q emas.
Raqamlar
«Brayton» APL doirasidagi oxirgi 3 o‘yinida durang natija qayd etdi.
"Manchester Siti" APLdagi so‘nggi 7 uchrashuvidan oltitasida darvozasidan to‘p olib chiqmadi.
«Shahrliklar» APLdagi so‘nggi 7 uchrashuvda mag‘lubiyatga uchrashgani yo‘q.
"Manchester Siti" «Brayton» maydonidagi oxirgi 4 bahsda kamida ikkitadan gol kiritishga erishgan.
Ayni vaqtda jamoalar APL jadvalida yonma-yon borishmoqda. «Siti» 17 ochko bilan uchinchi, «Brayton» 15 ochko bilan to‘rtinchi o‘rindan bormoqda.
