«PSJ» yarimhimoyachisi Leandro Paredes jarohati tufayli qancha muddat maydonga tusha olmasligi ma’lum bo‘ldi.

Eslatib o‘tamiz, futbolchi Argentina terma jamoasi joylashgan bazada mushaklari shikastlangan edi.

Parijliklar klubi matbuot xizmati xabariga ko‘ra, yarimhimoyachining tiklanishi uchun taxminan bir oy vaqt kerak bo‘ladi - u navbatdagi xalqaro tanaffusdan so‘ng maydonga qaytishi mumkin.

Joriy mavsum Paredes «PSJ» safida 3 ta o‘yinda maydonga tushdi, biroq samarali harakatlari bilan ajralib turmadi.