La Liganing 10-turidan o‘rin olgan "Barselona" – "Real Madrid" uchrashuvi bo‘lib o‘tdi (1:2).
Ispaniyaning "Sport" nashrining ma’lum qilishicha, o‘yindan so‘ng, kataloniyaliklarning yarim himoyachisi Frenki de Yong tizzasida va Ansu Fati o‘ng oyog‘ida noqulayliklar sezishgan. Ular kichik jarohat olgan bo‘lishi mumkin.
Shuningdek, Jerar Pike ham o‘yindan avval oyog‘ida og‘riq sezgan. Ammo u buni murabbiylardan yashirdi va o‘yinda ishtirok etdi.
Ularning jarohati qanchalik jiddiy ekanligi qo‘shimcha tibbiy tekshiruvlardan so‘ng aniq bo‘ladi.
Eslatib o‘tamiz, "Barselona" 27-oktyabr kuni La Liganing 11-turi doirasida "Rayo Valyekano" mehmoni bo‘ladi.
.&image=%2Fimages%2Fnews%2FFati-dejong.jpg&noparse=true){kind=link}