Ла Лиганинг 10-туридан ўрин олган "Барселона" – "Реал Мадрид" учрашуви бўлиб ўтди (1:2).

Испаниянинг "Sport" нашрининг маълум қилишича, ўйиндан сўнг, каталонияликларнинг ярим ҳимоячиси Френки де Йонг тиззасида ва Ансу Фати ўнг оёғида ноқулайликлар сезишган. Улар кичик жароҳат олган бўлиши мумкин.

Шунингдек, Жерар Пике ҳам ўйиндан аввал оёғида оғриқ сезган. Аммо у буни мураббийлардан яширди ва ўйинда иштирок этди.

Уларнинг жароҳати қанчалик жиддий эканлиги қўшимча тиббий текширувлардан сўнг аниқ бўлади.

Эслатиб ўтамиз, "Барселона" 27-октябрь куни Ла Лиганинг 11-тури доирасида "Райо Вальекано" меҳмони бўлади.